Teikna - Teiknistofa arkitekta ehf. hefur starfað frá árinu 1979. Stofan var stofnuð í Reykjavík af Gylfa Guðjónssyni og árið 2000 var starfsstöð opnuð á Akureyri. Sumarið 2022 tók fyrirtækið upp núverandi heiti sitt. Lykilstarfsmenn eru eigendur félagsins.

Teikna hefur unnið að fjölbreyttum verkefnum á nær öllum sviðum skipulags- og mannvirkjagerðar og býr starfsfólk stofunnar yfir víðtækri reynslu á sviði húsahönnunar, skipulags og verkefnastjórnunar.

Frá árinu 2012 hefur stofan hannað yfir 700 íbúðir í 9 stærri íbúðauppbyggingarverkefnum,auk fjölda einbýlishúsa og smærri íbúðaverkefna. Á nýlegum verkefnalistum eru einnig opinberar byggingar, innviðaverkefni, hótel og endurbætur á skrifstofuhúsnæði.

TEIKNA hefur unnið að gerð aðalskipulags fyrir meira en tvo tugi sveitarfélaga og fjölmörgum deiliskipulags- og skipulagsverkefnum víðs vegar um landið. Stofan hefur einnig hlotið verðlaun og viðurkenningar í samkeppnum á sviði skipulags og mannvirkjagerðar.